KORTNYTT
UiB får over 8 millionar til vidareutdanning i digital kompetanse
Regjeringa deler ut 34,5 millionar kroner til vidareutdanning i digital kompetanse. Universitetet i Bergen får mest.
– Den digitale utviklinga gjer at vi alle saman har behov for å oppdatere kunnskapen vår for å kunne henge med. Derfor bruker vi pengar på at fagskular, høgskular og universitet kan utvikle vidareutdanningstilbod saman med næringslivet, kommunar og andre verksemder. Tilboda skal vere tilpassa behovet i arbeidslivet og fleksible slik at tilsette kan kombinere tilbodet med jobb, seier forskings- og høgare utdanningsminister Henrik Asheim (H) i ei pressemelding.
Desse UiB tilboda får pengar
Fleksibel vidareutdanning i digitalisering i helsesektoren (DigiFleksHelse) får 4 940 400,-
Samarbeidspartnarar: Bergen kommune, Alver kommune, Voss herad, Bergen næringsråd, Alrek helseklynge, Norwegian Smart Care Cluster, Helse Vest Ikt AS, Helse Bergen HF, Vaksdal kommune
Datareisen får 2 850 400,-
Samarbeidspartnarar: DigitalNorway, Smart Innovation Runway, DNB, Norske havner, Samfunnsbedriftene, FN-sambandet i Norge, Oslo kommune
Fleksibel vidareutdanning i kunstig intelligens får 1 187 434,-
Samarbeidspartnarar: Insitute of Transport of Economics, Bergen næringsråd, Bouvet Norge AS, Capgemini Norge AS
Les heile pressemeldinga på regjeringa.no