Spesialglimt: Kva er ei ordbok? Tysdag 23. mai blei utstillinga «Kva er ei ordbok?» opna i lokala til Bibliotek for humaniora. I 2023 er det 150 år sidan Aasen «Norsk Ordbog med dansk Forklaring» kom ut. Utstillinga gir eit innblikk i ordbokarbeid i Noreg med hovudvekt på arbeidet til Ivar Aasen. Utstillinga viser kor viktig det er å samle inn data for å kunne beskrive eit språk.
Arven etter Aasen komplett på nett Norsk Ordbok, ei skikkeleg gullgruve av ei ordbok, finst no i ei komplett nettbasert utgåve, frå a til å. I tillegg er nytt materiale publisert for første gong sidan Universitetet i Bergen overtok ordboka i 2016.
