NYHET
Pengedryss over studentidear i Innovasjon Grand Prix
Det mylda av gode idear då studentane i Bergen endeleg kunne møtast fysisk igjen på The Change Conference. Dei beste fekk oppstartskapital med på vegen i Innovasjon Grand Prix.
Danush Ramesh Anitha fra Universitetet i Bergen tok andreplass med sin idé om bruk av kunstig intelligens i kampen mot kreft, mens HVL-student Simen Ormberg tok førsteplass med sitt oppstartsselskap kvikkforsikring.no.
The Change Conference blei arrangert 31. mars av Bergen Entrepreneurship Academy (BEA), som er eit samarbeid mellom HVL, UiB og NHH. Studententreprenørskapskonferansen blei arrangert for første gong, men skal bli årleg.
- Studentane har i fleire år uttrykt eit ynskje for ei heilheitleg satsing på studentinnovasjon på UiB, så det varmar hjartet at det skjer i samarbeid med våre naboinstitusjonar i Bergen. Det er forfriskande å sjå så mange engasjerte studentar i denne tverrfaglege rørsla, og eg gler meg å sjå korleis entreprenørskapskulturen blant bergensstudentane utviklar seg framover, seier fag og forskingsansvarleg Oscar dos Santos Kvalsvik i studentparlamentet ved UiB.
Konferansen blei avslutta med middag og Innovasjon Grand Prix, der studentar frå alle institusjonane deltok. På tredjeplass kom HVL-student Solveig Daae Wiig, som vil utvikle appen Miljøvenn.
Interessen for konferansen var stor, med 250 påmelde studentar, og deltakarane fekk inspirerande påfyll for korleis dei kan drive med innovasjon og entreprenørskap.
