KORTNYTT
Formidlingspris til historieprofessor Yngve Flo
Historieprofessor Yngve Flo mottek HFs formidlingspris for sitt omfattande formidlingsarbeid om norsk politikk.
Flo er professor i moderne politisk historie og ekspert på tilhøvet mellom statleg styring og lokalpolitikk. Han har vore aktiv som ekspertkommentator i både dagspresse, radio og TV sidan regionsreforma, og er ein ettertrakta bidragsytar i den politiske debatten om kommune- og fylkessamanslåinga.
For året 2021 mottek han Det humanistiske fakultet sin formidlingspris for sitt omfattande og vedvarande formidlingsarbeid om norsk politikk, og særleg for hans innsats under valkamphausten.