Slik sit truleg mange forskarar i dag. No vert Forskingsrådet sin frist forlenga.
Slik sit truleg mange forskarar i dag. No vert Forskingsrådet sin frist forlenga.

Forskingsrådet utset frist

På grunn av tekniske problem utset Forskingsrådet søknadsfristen sin frå 20. til 25. mai.

Publisert

Saka vert oppdatert

I kveld sit truleg fleire tusen forskarar og sveittar over søknaden til Forskingsrådet. Søknadsfristen er eigentleg 20.mai klokka 13. No er denne utsett til 25.mai klokka 11, skriv Forskingsrådet på Twitter. Grunnen er tekniske problem knytt til innlogging til Min nettstad.

— Me beklagar problema og frustrasjonen dette har skapt, skriv Forskingsrådet.

Mykje frustrasjon

Det er fristen for Forskerprosjekt for fornyelse, forskerprosjekt for unge talenter, treårig Forskerprosjekt med internasjonal mobilitet som no er utsett. Fristen vart først flytta frå 6.mai på grunn av korona-utbrotet.

Twitter er frustrasjonen stor.

— Eg håpar nokon forskar på raseri mot nettsider og maskiner også, kommenterer UiO-professor Marte Blikstad-Balas, medan Solfrid Bratland-Sanda, professor ved Universitetet i Sørøst-Noreg spør «same procedure as last year, Forskningsrådet?» Fleire skriv at dei har prøvd i timevis på å koma seg inn.

Ikkje svar

Khrono og På høyden har vore i kontakt med Forskingsrådet, men har førebels ikkje fått svar.