Forvaltningsplanar
-
Dekormalar Salomon Sørensen frå Laksevåg har dekorert både tak og vegger inne på Sydneshaugen skole. Det er godt mogleg at det finst meir dekor bak den kvite malinga, som kom på plass før bygget vart freda i 2014. -
Hovudinngangen til Sydneshaugen skole er ut mot Ivar Aasens gate. Skulen er ein av fleire som vart teikna av byarkitekt Kaspar Hassel. -
Inne i Sydneshaugkvartalet finn ein vakre detaljar. Bygningane her skulle ha dei beste kvalitetane ein kunne ønskja seg. -
Langes gate 1 og 3 vart kjøpt for at det ikkje skulle kunne byggjast bustader for nær det som no er Universitetsmuseet. I dag held studieadminsitrativ avdeling til her. Glaspyramiden vart laga på 1990-talet. -
Lenge var det ikkje faste tilsette på Sydneshaugen skole, institutta ligg i HF-bygget og fakultetsadministrasjonen i Harald Hårfagres gate. Men så flytta infosenteret for studentar inn. Dei moderne lokala har gamaldagse vindauge og fargar, og ein ser tydeleg att kor dei opphavelege veggane stod. Øyvind Vyrkjedal Bendiksen er på jobb. -
Skuleplassen framfor Sydneshaugen skole er òg freda. -
UiB er byuniversitetet, og Sydneshaugkvartalet, som består av både gamle trehus og store murbygningar, er freda som ein heilskap. -
I Langes gate 1 skal det første rektorkontoret ha vore, og universitetsadministrasjonen. -
Hovudinngangen til Langes gate 1 er frå Muséplass. Trevillaen var lenge sommarhus frå den rike kjøpmannen C. Sundt. -
Gamle fliser på golvet inne i sydneskvartalet. Liknande fliser finn ein i dag i den nyrestaurerte universitetsaulaen. -
Her har mange hatt noko å halda seg fast i! Trapper og trapperom er uendra i fleire av dei gamle bygga. Flisane på veggen er òg originale i dette bygget i Sydneshaugkvartalet. -
Trappa inne på Sydneshaugen skole svevar oppover. Kvart trinn er hogd ut for seg. -
Kulturminneansvarleg Åse Tveitnes (til venstre) og seniorkonsulent Eva Røyrane har laga forvaltningsplanane saman med fotograf Thomas Vindal Christensen, b+b arkitekter og Staut design. Biletet er frå Sydneshaugen skole. Her er deler av interiøret freda, men samstundes er bygget tilpassa moderne bruk og har fått nye, spesiallaga sitjegrupper. -
I eit av dei gamle trehusa i Sydneshaugkvartalet finn ein det som må vera ei av dei smalaste trappene i byn! -
Dei som danna Bergens museum ville ikkje risikera bustader heilt oppi museet. Dei kjøpte like greitt Langes gate 1 og 3, to av UiB sine 37 freda bygg. Åse Tveitnes og Eva Røyrane har laga forvaltningsplan for alle – til saman 8,5 kilo plan.
